Carpon Sunda 2

Moal beak beak nyaritakeun persoalan hirup salila urang masih dibere umur ku gusti Allah.Komo deui urusan hate,perasaan nu disebut cinta.
Lain budak deui umur teh,,,geus manjing opat  puluh,tacan ari nyampe mah,,da pas na mah tilu puluh genep ogenan dua bulan keneh,.tapi ceuk batur majar ari lalaki umur sakieu keur meumeujeuhna beger kadua ceunah,.eta meureun nu kaalaman ku kuring salila sataun iyeu.
Ari rumah tangga mah sarua bae jeung batur,,cekcok saeutik saeutik mah wajar.Teu aya anu dipake hanjakal.malah mah mun ditingali kubatur estu bisa dijadikeun rumah tangga percontohan.Bayangkeun weh,,saumur kuring mun rek sombong asa pangsenangna.Imah agreng,,mobil aya.pamajikan geulis,,anak pinter tur lalucu geus sapasang,kebon lega,pagawean mapan,da jadi Pagawe Negeri jaman ayeuna mah teu bisa disebut pas pasan.Komo hirup di lembur,jang dahar mah luah laeh.Pokona hirup teh karasa nikmatna.Buah perjuangan kuring baheula kuliah teh kapetik hasil.
Tapi da manusa mah sok tara puas sanajan geus dibere loba ogenan.Kitu oge kaalaman ku kuring.

"Marni,,,akang nyaah ka Marni,,komo deui ka barudak,,tapi kumaha iyeu hate bet cinta kanu sejen,,salapan taun rumah tangga jeung Marni geus ngabuktikeun usaha akang pikeun tanggung jawab,ayeuna akang ngarasa aya anu kurang dina hirup akang,nyata perasaan cinta anu can pernah dirasakeun salila hirup akang,,iyeu hate asa kumejot hayang ka manehna,lain Marni teu geulis,,tapi hirup anu ku urang dilakonan asa geus teu mangrupa kahirupan deui,estu jiga ceremonial.Pakem teu aya gereget.Jigana akang bener bener bogoh ka eta awewe..."

Eta ucapan ngan kagerenteskeun dina hate,,can wani ngedalkeun nu sabenerna dihareupeun pamajikan nu katingali carindakdak basa kuring bebeja yen kuring bogoh ka hiji awewe.
Gogoda meureun iyeu teh pikeun rumah tangga kuring.Tapi mun rek ngaku,hate mah moal bisa dibohongan.Keun urang tingalikeun nepi kamana iyeu hate ngumbara dina perasaan cinta anu ngabubula lir seuneu nu dibanjur ku bengsin.


Bersambung.......